|
| 好耐無黎呢道留言，而家上黎多左好多新症, 哈哈! 講笑 |
| |
| 我又自我介紹, 我叫 Muimuisy, 巳有驚恐8年, 當時唔知係咩黎, 我回憶可能由細到大，潛伏在我腦裹, 之後長大累積的經歷而來, 因為由細到大我都好驚死, 發現自開始有這病的是結完婚, 老公因返通宵班, 每晚只有自己訓，初初真係唔習慣, 仲驚到著哂燈同電視先訓到, 之後發覺身體一日比一日差，心跳呼吸困難，試過一次休克, 驚慌到我簡直想死, 所以身上一定有支白花油, 連生bb都帶入去…哈哈 |
| |
| 從此之後我就咩都驚, 連車都搭唔到, 甚至有次我妹夫開車我坐車, 從前我好喜愛飛車, 他那次我驚到喊出黎叫停, 令大家到莫名奇妙, 點解我會咁細膽, 之後嚴重到坐咩車都驚, 有次坐巴士係緊張到肚痛要落車開大, 之後改坐mtr, 但一入車廂我就驚到走出黎, 惡性循環, 每次出街都肚痛, 好驚坐車而成日放飛機 |
| |
| 就咁巳折磨了六, 七年，以後除左返工就邊都唔敢去, 從前的我就係無必要都唔敢出街，去睇家庭醫生，都係給我食鎮靜懠，根本無幫助。後來有了bb, 一直都安好, 只是簡仲發下作，我認為意志可以戰勝呢種奇怪心理病, 但原來答案係不可能, 不正視只有越來越嚴重, 爆發出黎係好恐怖 |
| |
| 當時阿仔出世日喊夜喊,每晚6點喊到8點, 巳經精神崩潰, 思想又好負面, 兩個月內炒了2個工人, 成日覺得人地會抱走我仔或蝦佢, 請不到人迫往請左個大陸人, 佢講左句我個仔直3萬元, 我立刻炒左佢 |
| |
| 之後果8個月就停工自己獨力照顧仔仔，那種壓力係大到我好難想像，我連帶他去買一點野都好辛苦, 好驚自己會暈發作, 如無辨法要出街的情況, 會處理好立刻回家, 果陣個心會諗我一世都會咁過架啦，之後仲慣例出街前都肚痛, 就兩年前一次嚴重到連續3個月都肚痛肚瀉, 我睇了無數個醫生都話腸胃炎, 但每次睇完一個又一個醫生都沒有好轉, 廋了6kg, 當時實在太擔心，於是我去腸科專科, 他建議我照腸, 嚇到我全身不停打震, 在等待入院的日子, 因為要等兩星期先做, 我每晚都訓得唔好及失眠, 我擔心如果結果我有事, 阿仔點算。 |
| |
| 之後我上網看到呢個topic，同我病大似, 又係會好驚死, 不能獨自困在一個地方, 如車廂或家裏, 懷疑自己有驚恐症, 因為我生理心理接近崩潰, 我去見精神科, 他說我係抑鬱, 焦慮, 果時我開始要食血清+鎮靜濟+晚上加安眠藥, 初初食果時仲辛苦, 令我發作更密, 又唔知點解我肚仲痛得厲害, 有日我又呵又痛醫生寫紙即刻我入院，入到院簡直係惡夢，雖然佈告係無事, 但過程好難受, 以後聽到醫院兩個字我就怕怕。 |
| |
| 因為實在太辛苦, 食左兩星期就自行停藥….. 嘩! 仲死好似坐過出車咁發到七彩, 之後我認識到呢個blog的朋友後, 他們鼓勵及扶持我, 我決定重新服藥, 我涯過初初最辛苦的階段, 食了年幾藥我巳經減至好低份量, 最開心係而家坐車, 坐船都無事, 仲可以自己帶仔仔出街, 早前更岩岩去完韓國返黎, 終於衝到出去啦, 好開心 |
| |
| 我真心多謝認識我的朋友, 不厭其煩聽我的夜半驚魂call, 能夠有咁多身邊人明白自己, 真係令我加大左好多信心，係神的恩典 |
| |
